Accidente basta fuerte cu hopi daño material na Palm Beach

Diahuebs merdia a drenta informe di un accidente cu hopi daño material pariba di Valero Palmbeach, mesora a dirigi un patruya na e sitio. Na yegada di e patruya a bin compronde cu e chofer di e Suzuki Vitara a bay bira dilanti di un Mitsubishi Outlander cu ta biniendo di pabao, e chofer di e Mitsubishi no por a haci nada mas y a bay dal riba e Suzuki. E impacto tabata basta fuerte mirando cu ela bira e Suzuki Vitara cara pariba. Ambos auto despues di e impacto no por a core mas mirando e dañonan cu nan a ricibi. Afortunadamente ningun hende a resulta herida.