Polis a bay na 2 ocasion na Señor Frogs pa pelea y maltrato cu menasa

Diahuebs madruga a drenta informe di un pelea na Señor Frogs, mesora a dirigi un patruya na e sitio. Na yegada di e patruya abin compronde for di e guardianan di seguridad cu 3 hoben a subi e podium sin t-shirt bisti. E guardianan a hala nan atencion y a pidi e hobennan pa bisti nan t-shirt bek. E hobennan no kier a cumpli cu e peticion y e guardianan mester a saca nan pafor. Ora e guardia a saca un di hobennan pafor di e establecimiento e otro dosnan a ataca e guardia. Durante di e proceso aki un di e hobennan a resulta herida. Na e momentonan ey e hobennan a bandona e sitio caba. Polis a busca den vecindario pero no a logra hayanan. Un rato despues polis mester a regresa na e sitio pa un caso di maltrato. Polis a bolbe papia cu e guardianan cu a declara cu e hobennan ta den e parkinglot e momentonan ey. Polis a bay papia cu e hobennan y nan a declara cu e guardianan a choca nan amigo sin ningun motibo. Ora cu nan a nota esey nan a bay defende nan amigo ora e guardia tabata scop e amigo.
E hoben no kier a entrega keho di maltrato. Polis a bai papia cu e guardianan pa atende nan riba e trato pa cu hobennan aki. Durante di e combersacion cu e guardia e hobennan ta pasa den auto y ta menasa e guardianan. Polis a conseha e guardia cu si e ta sinti su mes amenasa, nan por bay entrega keho na warda di polis cerca recherche.