Peaton a bay cruza caminda na mes momento cu auto ta bira na cruzada Driemasterstraat y Santa Helenastraat

Diabierna merdia a drenta informe di un accidente cu hende herida na e cruzada Driemasterstraat y Santa Helenastraat, mesora a dirigi tanto polis como ambulans na e sitio. NA yegada di e patruya a bin compronde cu aki ta trata di un accidente unda un minivan ta bira di Driemasterstraat pa bay den Santa Helenastraat net na momento cu un peaton a bay cruza caminda. E minivan a dal e peaton y esaki tabata keha di dolor, na yegada di ambulans nan a atende e victima na e sitio mes y no tabata necesario pa hibe hospital.