Despues di a perde control dal palo di lus na Tanki Leendert chofer a core bandona sitio lagando pasahero

Diasabra madruga a drenta informe di un accidente banda di Rococo Plaza na Tanki Leendert, mesora a dirigi un patruya na e sitio. NA yegada di e patruya a bin compronde cu e chofer e Toyota Tercel berde A26194 bayendo pariba cu velocidad halto y lo a perde control bay na man robez di caminda y dal riba un palo di lus. E impacto tabata fuerte y e chofer a resulta herida pero a bandona e sitio di accidente lagando e pasahero atras.