Marinier bao influencia di alcohol a ocasiona accidente pisa na Savaneta cu a laga 3 hende herida

Diasabra mainta a drenta informe di un accidente basta pisa cu hende herida na Savaneta banda di Savaneta Kamp, mesora a dirigi tanto polis como ambulans na e sitio. Na yegada di e patruya a bin compronde cu e Geo Tracker blanco A54578 biniendo di pariba a bira na su man robez sin a duna preferencia na e Toyota Celica cora A49589 cual tabata bini di direccion contrario bayendo pariba. E impacto tabata basta fuerte y cu a laga 3 persona herida. Polis a detene un marinier cu tabata core e Geo Tracker bao influencia. Na yegada di ambulans nan a atende e 3 victimanan y a transporta 2 di nan pa atencion medico.