Polisnan a bay para posibel pelea y a sera sitio nocturno na Tanki Leendert

Diadomingo marduga a drenta informe di cu lo tin un pelea formal na Cas Casuela, mesora a dirigi patruyanan di Oranjestad y di Noord pa bay cu urgencia. Na yegada di e patruyanan a bin compronde cu algun hende den un Pick Up blanco a yega baha y cana busca problema den e lugar y cu cos lo bay for di man. Tabata tin hende ta bisa cu aparentemente nan lo a scucha cu e hendenan aki lo tin arma di candela cu nan of lo a bay den auto pa coy algo similar pa bin bek paden.
Polis a papia cu tur hende na e lugar y a bisanan cu ya ta ora pa nan cuminsa sali for di e lugar y busca caminda pa cas. Tambe Polis a papia cu e persona nan den e pick up pa nan bandona e sitio sino detencion lo cay mes ora.