Durabilidad legendario den style nobo, E generacion nobo di Isuzu Dmax a yega Aruba

E generacion nobo di e Isuzu Dmax Pichkup a haci su yegada na nos isla, cu un styling agresivo y mas amplio.
Isuzu ta ampliamente reconoci na Aruba como un pickup duradero y di calidad halto. Mas ainda, e ta e prome fuente di motornan diesel pa autonan comercial na mundo, cu mas di 23 miyon di motornan bendi.
E experiencia aki ta ser poni den practica for di 1963 den e produccion di e prome pickup Isuzu. E ingenieria general di e pickupnan di e marca aki ta ser considera mundialmente como un di e mas solido y confiabel den mercado. Esey tambe ta e caso na Aruba, unda modelonan Isuzu ta core tur dia nos camindanan.
Awor Isuzu ta introduci e generacion nobo di Dmax, y den e proceso a haci uso di tur e avancenen tecnologico disponibel pa crea un pickup practico, solido y confiabel, a la vez cu a duna un nivel di agresividad den su style cu nunca antes tabata existi den e pickupnan aki. E Dmax nobo ta mas grandi, y su presencia ta hopi mas visibel y agresivo cuminsando for di e front nobo y bayendo den e liñanan aerodinamico cual ta contribui na mihor consumo di gasolin.
Den termino di e ingenieria, Isuzu a aplica mas cu 70 aña di experticio den ingenieria pa crea motornan diesel di 2.5 cu 3 liter CRDi cu torque halto y aceleracion excelente. Pero ademas nan ta ofrece un nivel di economia den consumo di gasolin insuperabel. Detayenan cu ta mustra e nivel halto di calidad ta presente tur caminda den e motor aki, for di melt-in piston chamber lining te cu advanced steel timing chains. Style por ta nobo, pero e ta keda un Isuzu. Y e Dmax nobo aki por handle inclinacionnan lateral di te cu 49 grado sin problema.
Paden di e auto, mientras tanto, e nivel di comodidad y espacio a ser asegura cu un cabina mas amplio den tur sentido. Control di sonidonan externo ta haci e cabina uno cu menos sonido for di exterior, y manera semper, e posicion di e controlnan ta uno practico, cual ta facilita e operacion di e pickup aki. E version 4x4 di e pickup aki, por ehempel, por ser cambia di 2 wheel-drive pa 4x4 electronicamente y “on the fly”, tin controlnan den e steering whell, y diferente otro acentonan di comfort cual ta pone den un nivel sumamente halto den e mercado.
E invitacion ta keda pa bishita e showroom di Garage Centraal Aruba pa wak e model nobo di e Isuzu Dmax.