Compania di seguridad a djies yama un di e socionan y informa kiebro y ladronicia, nan no a bay na e sitio

Dialuna mainta a drenta informe di un kiebro y ladronicia na Aqua Windies na Eagle, mesora a dirigi un patruya na e sitio. Na yegada di e patruya abin compronde cu diadomingo anochi banda di 10or compania di seguridad a yama un di e socionan y a informe di cu ladronnan a kibra drenta horta na Aqua Windies y nan mes no a presenta na e sitio. Ta te mainta ora un otro socio a presenta a yama y a informa kiko por a pasa, pero no a manda niun patruya na e sitio y no a informa ningun otro socio mas. E ladronnan a drenta horta varios paña y a pasa man pa e cashregister y a bandona e sitio y e negoshi a keda porta habri henter anochi pa su cuenta.