Chines doño di supermercado no kier entrega keho pero kier pa prohibi entrada di e choller den supermercado

Dialuna anochi a drenta un informe cu tin un ladron wanta net pariba di Cas di Partido AVP. Mesora patruya a bay na e sitio y ta topa cu dos chines y un choller. E chinesnan ta splika cu e choller aki a drenta den nan supermercado den Arendsstraat dilanti di Budweiser Bar y a horta algun cos. Ora ela sali nan a siguie y un poco pariba di Cas di partido nan a logra gare y door cu ela dunanan e productonan bek, e chinesnan a dicidi cu no ta entrega keho pero si no ta desea di wak e nunca mas den nan negoshi. Polis a papia cu e choller pero door cu no tin ningun keho entrega mester a lage den libertad.