Chofer di pick-up a haye ta haci maniobra pa un truck cu a sali su dilanti y pick-up a bay dal riba auto

Diamars mainta a drenta informe di un accidente na Consuelostraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un pick-up cu tabata bayendo pariba den Santa Helenastraat pa bira drenta Consuelostraat a haya chance di un chofer di direccion contrario pero na e mesun momento un truck cu tabata para na e cruzada di Consuelostraat a cuminsa bay dilanti, e chofer di e pick-up a primi trot pa evita cu e truck dal riba dje pero e tera cu tabata riba caminda a manda e baki pick-up swing pariba y e chofer di e pick-up a reacciona primi brake y e pick-up a bay dal riba e auto. Afortunadamente ningun hende a resulta herida.