Polis atendiendo un caso di abuso hopi delicado pazuid di rotonde di Paradera

Diamars mainta a drenta informe di un caso hopi serio y lamentable di un abuso, ta asina cu for di informantenan polis a ser informa cu poco pazuid di e rotonde tin un dama cual a bin resulta victima di un abuso fisico, mesora a dirigi un patruya na e sitio. Na yegada di e patruya pa proteccion di e victima a hinke den e parti patras di e patruya y a hibe na warda di Santa Cruz unda a sigui cu e investigacion di e caso delicado aki. Nos pa proteccion di e identidad di e victima a tapa su cara. Ta hopi lamentable cu casonan bochornoso ta sosode riba nos isla, y cu ta poco esnan cu ta denuncia esaki na polis. A yega e momento cu dignidad di un ser humano ta conta y ta deber di autoridad pa prueba cu justicia ta existi. Nos lo sigui informa.....