UPDATE: Machine di Lotto posibel causa di candela na Yanti Restaurant na Camacuri

Diahuebs madruga a drenta informe di cu tin un lugar na candela na Camacuri, mesora a dirigi tanto polis como bombero na e sitio. Na yegada di e patruya a bin constata cu aki ta trata di Yanti Bar Restaurant cual tabata na candela. Na yegada di bombero mesora a cuminsa combati e candela door di e bentana ya cu e porta tabata dificil pa habri. Despues di a lucha bastante pa habri e porta porfin a logra drenta. Debi cu tabata tin 2 brommer na e lugar a pensa cu por ta tin hende den e lugar pero esaki no tabata e caso. Despues di un investigacion haci na e lugar e candela a inicia net unda e machine di Lotto ta ubica. E machine ya a causa problema y tabata tin un desperfecto.