Team di arresto, atraco team y mas autoridad a haci un entrada judicial na un cas na Piedra Plat

Despues di investigacion di algun siman diahuebs atardi, atraco team reforza pa e team di arresto, unidad canino, investigadornan technico di polis y acompaña pa fiscal y hues comisario a haci un entrada judicial na un cas na Piedra Plat. Na nan yegada mesora a rondona e cas di tal forma cu ningun hende por core bay. E oficialnan a sinta vigila e momento oportuno pa drenta accion, na nan yegada mesora e oficialnan a haya e sospechosonan detene nan boeinan y hiba nan na warda di polis pa mas investigacion mientras un persona di edad a hiba susto y a bira malo durante e entrada judicial aki. Polis a pidi presencia di ambulans pa atende e persona. E investigacion ta trata di un caso cu a sosode algun siman atras unda tabata tin arma di candela envolvi. NA e cas varios artefacto a ser confisca pa usa como prueba den e caso cual lo bay bira hopi interesante. Ta trata aki di 4 detencion den cual tin local como tambe latino.