Auto a dal un peaton cu tabata tambalea riba acera y a bay riba caminda net ora e auto ta bini

Diabierna anochi a drenta informe di un accidente cu hende herida na Kamerlingh Onnestraat unda un auto lo a dal un peaton, mesora a dirigi tanto polis como ambulans na e sitio. Na yegada di e patruya a constata cu e peaton envolvi ta un conocido peaton cu sa haya atakenan di epilepsia, segun declaracion di e dama chofer di e s.u.v. Chevrolet e tabata bayendo zuid den e caya menciona y na dado momento a nota con un peaton tabata canando ta tambalea pega cu e caminda y na dado momento ela perde balans y e spiel di e auto a dal e victima y esaki a cay abao. Na yegada di ambulans nan a nota cu e victima ta seriamente herida y a transporte cu urgencia pa hospital. Investigadornan tecnico como tambe e specialista di trafico a bini na e sitio pa haci nan investigacion.