Turista no a wak borchi ni tampoco liña riba caminda y a sali unda ta prohibi y a ocasiona un accidente

Diadomingo madruga a drenta informe di un accidente banda di edificio di Douane na L.G. Smithblvd, mesora a dirigi un patruya na e sitio. Na yegada di e patruya abin compronde cu un turista coriendo un auto di huur Mitsubishi Galant a sali subi caminda unda no ta permiti pero e turista no a wak e borchi unda polis a indica na dje cu si e no a wak e borchi nan por a wak e liña riba caminda. Afortunadamente ningun hende a resulta herida.