Chofer bao influencia a core banda robez di caminda dal frontal riba auto direccion contrario na Tanki Flip

Diadomingo madruga a drenta informe di un accidente cu hende herida panort di e rotonde Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Suzuki Grand Vitara bayendo zuid riba e caminda di Shaba pa rotonde Tanki Flip tabata coriendo banda links di e caminda y a bay dal frontal riba e Chevrolet Blazer di direccion contrario. E impacto tabata fuerte tanto e chofer di e Suzuki como tambe un pasahero den e Chevrolet a resulta herida. Na yegada di ambulans nan a atende e victimanan.