Haitiana a bira malo tras di stuur y a drenta edificio Enseñanza pa Empleo cu su auto

Dialuna atardi a drenta informe di un accidente na Engelandstraat na oficina di Enseñanza Pa Empleo, mesora a dirigi un patruya na e sitio. Na yegada di e patruya a bin compronde cu e dama haitiana chofer di e auto ainda tabata un poco turdi door di e impacto. Aparentemente e dama lo a bira malo tras di stuur y na momento di primi brake a duna gasolin y esey a manda e auto paden den e sala di reunion cual pa suerte ainda tabata bashi y no tabata tin hende aden.