Muchanan a yama tur spanta bisando cu nan tata ta maltratando nan mama dilanti nan na Piedra Plat

Dialuna anochi a drenta informe di un caso di maltrato na Piedra Plat, mesora a dirigi un patruya na e sitio. Na yegada di e patruya a bin compronde cu un tata a bira asina agresivo cu a cuminsa maltrata e mama di su yiunan dilanti di e muchanan. E muchanan a core bay na bisiña y asina a logra bati alarma. Pero e homber tabata asina agresivo cu tabata tin mester di refuerzo di mas patruya pa asina logra domina y controla e agresor. Na yegada di e refuerzo a logra detene y a hibe warda di polis.