Polis a detene agresor cu lo a maltrata su casa y yiu na Seroe Pita

Diamars atardi a drenta informe di cu na un Car Rental na Sero Pita unda un homber posiblemente lo a agredi su pareha. Aparentemente e persona aki lo a dal su pareha un dia anterior caba y te hasta tin un denuncia haci contra su persona. Diamars atardi un biaha mas polis ta ser solisita na e mesun adres aki na Sero Pita paso e homber a bolbe maltrata su pareha y ela purba huy ora Polis a bay pa atende cu ne, pero e biaha aki polisnan a logra pare ariba e caminda cu ta bay pa Tamarijn. E agresor tabata bao influencia y ela keda deteni y na yegada di e dogcatcher a transporte pa warda di Santa Cruz unda recherche tabata tin mester di dje pa e keho entrega door di e señora un dia anterior.