Accidente basta serio na Paradera unda un auto a bay dal riba mata di watapana

Diaranzon anochi a drenta informe di un accidente basta serio cu hende herida banda di Paradera 75 unda un auto lo a bolter, mesora a dirigi tanto polis como ambulans y tambe equipo di rescate di bombero. Na yegada di e patruya a bin compronde cu e Pick Up Double Cabin Nissan Frontier tabata bayendo direccion Babijn pero na e banda robes di e caminda. Esaki a pone e chofer di direccion contrario desvia pe y den su spiel ela mira con e auto a dal den un mata di Watapana ranke completo y bolter despues. Na prome instante e chofer tabata for di tino. Na yegada di ambulans nan a atende y cu ayudo di e equipo di rescate di bombero a logra saca e victima for di e pick-up y a bini na tino. Ambulans a transporta e victima pa hospital.