Polis a persigui ladron di auto y a logra detene despues di a ocasiona un accidente na Savaneta

Diahuebs madruga a drenta informe di cu tin un Jeep Cherokee cu a ser horta mesora a avisa tur e patruyanan riba caminda. Ta trata aki di e Jeep Cherokee blauwberde A51970, un rato despues un patruya atento a nota e auto aki na Savaneta y a bay tras di dje. E ladron a purba di maniobra pa despista e patruya pero ela perde control bay dal riba cura di un cas. E sospechoso herida mes a purba core bay pero polis a logra capture y a detene. Mirando cu e tabata herida a solicita presencia di un ambulans. Na nyegada di ambulans nan a atende y no tabata necesario pa bay hospital. E auto a ser confisca y hiba warda di polis na San Nicolas pa mas investigacion.