Na Pos Chiquito polis a persigui y detene trio hoben cu auto posiblemente horta

Diahuebs atardi oficialnan di e joyriding team ta bolbe score ora cu nan a laga nan coleganan uniforma para un auto cual nan ta sospecha cu esaki ta horta. E patruya a logra para e auto aki na Pos Chiquito y a logra detene e 3 hobennan cu tabata den e auto. Den e auto aki e chofer tabata tin 2 ocupante mas den e auto unda despues di a duna declaracion nan a ser poni den libertad. Esun na man drechi a declara cu e tabata merdia na cas comiendo ora cu esun a pasa buske cu e auto y ela subi bay. Nos no a logra haya sa unda nan a bay pero hecho ta cu na momento cu polis a para nan a bin haye den e auto. Diaranzon mainta un persona cu a identifica su mes como tata di esun na man drechi riba e foto y a bisa cu su yiu a bise cu e no ta envolvi den e asunto di auto horta y cu e ta den libertad. Awor pa evita tipo di circumstancianan asina lo ta bon pa e hobennan wak bon cu ken nan ta sali y cu ken nan ta deal, esaki pa preveni envolvimiento den cosnan cu por perjudica bo futuro.