Andin Bikker: Parke di molina di biento na Maastricht a wordo para pa aspectonan di salud,

Parke di molina di biento na Maastricht a wordo para pa aspectonan di salud, pero tambe paso a tene desaroyador responsabel pa claimnan miyonario

Segun informacion preliminario obteni awe mainta di un di e Parlamentarionan di gemeenteraad Maastricht cu kende PDR lo reuni durante e bishita na Hulanda, e parke di molina di biento na Maastricht a wordo para pa aspectonan di salud, pero tambe paso a tene desaroyador responsabel pa claimnan miyonario di desaroyadornan di cas den e area. Mi ta cita e siguiente parte relevante:

"Overigens is het windmolen project ook niet doorgegaan omdat de gemeente alle schade die zou ontstaan door het plaatsen van de windmolens op Imtech afwentelde. Tijdens de hoorzitting kwam naar voren dat een projectontwikkelaar al voor een dik mln aan schadevorderingen zou indienen omdat hij zijn huizen dan niet meer zou kunnen verkopen.(...).".

Na Papiamento por traduci esaki: "Por remarca cu e proyecto di molina di biento tambe no a sigui paso e Municipio a tene e desaroyador responsabel pa tur daño cu e proyecto por a trece cune. Durante e reunion a sali na cla cu un solo desaroyador di proyecto di cas ja a indica cu lo entrega un claim di un miyon paso e no por bende su casnan mas."

Cu otro palabra na Maastricht a tene e desaroyador responsabel pa tur daño cu e proyecto lo por trece cune. Aki na Aruba ta carga e desaroyador den teblachi, lague rosa y bora sin cu a cambia e destinacion di e area, y ta pasa e posibel risico y daño di e proyecto pa nos Pueblo. E informacion adicional di Maastricht mester ta un wake up call pa Gobierno di Aruba y WEB NV pa para e proyecto y explora otro alternativa prome. Alternativa tin: PDR a wordo presenta cu un proyecto diseña na Aruba mes cu ta traha riba energia di stroming nautico, cual ta costa menos cu e proyecto di molinan di biento y ta duna mas energia, esta minimo 50 megawatt. PDR lo bay purba arrange un meeting di introduccion entre e desaroyadornan y WEB NV pa WEB por informa su mes riba e posibel proyecto ey. Los di esey WEB NV mes a yega di indica cu dor di avansenan technologico kisas por tin otro alternativanan cu nan mes ta studiando di cerca.