Polis a confisca pick-up cu a causa accidente y papel no tabata na ordo, y ni e chofer tabata tin rijbewijs

Diamars atardi a drenta informe di un problema den Ranchostraat, mesora a dirigi un patruya na e sitio. NA yegada di e patruya a bin compronde cu aki ta trata di un incidente unda e chofer di un pick-up a dal un auto cu tabata pasando y e chofer di e otro auto a para baha y a dal e windshield di e pick-up cu un pida hero y despues a subi su auto y a bay. Ora polis a pidi e chofer di e pick-up pa e papelnan di e vehiculo e no por a mustra nada ya cu nada tabata na ordo, mirando esey polis a confisca e pick-up.