Club Universal a brinda tayer di careda cu drone na grandi y chikito

108 dia pasa , 9 di januari 2017 17:04
Seccion: technologia
foto di Club Universal a brinda tayer di careda cu drone na grandi y chikito
Boogaard Assurantiën - P'abo Ta Bon Segura!
foto di Club Universal a brinda tayer di careda cu drone na grandi y chikitofoto di Club Universal a brinda tayer di careda cu drone na grandi y chikitofoto di Club Universal a brinda tayer di careda cu drone na grandi y chikito
Megavit - Lejuez Brothers International

POS CHIQUITO– Recientemente fanaticonan di drone na Aruba, un grupo cu ta creciendo mescos cu rond mundo, tabatin oportunidad di conoce mas di e mundo aki y tambe competi cu un profesional. Tur a forma parti di un tayer cu Club Universal a ofrece. Pa e actividad aki a conta cu participacion di Vince Tonk, kende ta un hoben Arubiano residencia na Hulanda y cu ta ya caba un profesional den e disciplina.
E tereno di bala di e club deportivo y social na Pos Chikito a sirbi como un pista improvisa pa e aparatonan aki bula bay y bin na velocidadnan masha halto. E evento a cautiva e atencion di mucha y hende grandi cu ta fascina pa e manera con e aparatonan aki ta core masha duro mes, tuma bocht skerpi, mientras e usuario ta duna tur ordo for di remote control.
E actividad a inicia paden di sede di Club Universal caminda Tonk a duna un introduccion di su mes, e hobby aki, con e ta hinca den otro, kico ta necesario y tambe kico ta e potencial pa Aruba por forma parti di e deporte aki cu ta actualmente den crecemento. ESPN a caba di firma acuerdo cu e liga Mericano y ta den negociacion cu esun Europeo, pa transmiti e competencianan cu ya caba ta halando atencion di hopi hende rond mundo.
Sin duda algun tur participante di e tayer di careda di drone a disfruta enormemente di e experiencia aki. Directiva di Club Universal ta gradici primeramente Vince Tonk pa su contribucion, pero tambe na un y tur cu a haci e actividad aki posibel.

mas foto di Club Universal a brinda tayer di careda cu drone na grandi y chikitomas foto di Club Universal a brinda tayer di careda cu drone na grandi y chikitomas foto di Club Universal a brinda tayer di careda cu drone na grandi y chikito
You Call, We Haul
ORGINAL SWAT