TEAM "SNOR" A GARNA "RED STONE"! den "99 Bar & Restaurant" na Kudawecha Square Garden

155 dia pasa , 16 di mei 2017 09:21
Seccion: deporte
foto di TEAM
Boogaard Assurantiën - P'abo Ta Bon Segura!
foto di TEAM foto di TEAM foto di TEAM
Megavit - Lejuez Brothers International

TEAM "SNOR" A GARNA "RED STONE"!
Kudawecha Square Garden – Den weekend ultimo, e fabuloso Kudawecha Square Garden situa den 99 Bar & Restaurant tabata scenario di e tremendo clash entre dos team cu tin rivalidad total! Team "Snor", bou guia di "Snor" Perez, pa basta tempo caba tin un "appeltje" pa pela cu e team duro di Ayo, esta Red Stone! Wel, e biaha aki aparentemente Snor a fia un "grinder" y a bin ta garna Red Stone na grijs di 5 florin pa yarda!
Shonnan, 99 Bar & Restaurant na Kudawecha un tabata tin luga mas pa pone hende di e tantisimo fanaticada cu a bin presencia e challenge aki!! Den prome tanda Team Snor ta sali durisimo y ta yega half time cu e score impresionante di 11 - 5, mandando un señal kla y raspa pa e trabuconan di Ayo cu awe nochi no ta bay tin wega! Snor claro mas cu contento cu e manera cu su team ta funcionando ultimo tempo. Ta parse cu tur e sacrificionan di studia strategia y technologia nobo con pa pasa e "boodschap" a cuminsa duna fruta!
Den di dos buelta Team Red Stone a hisa speed un tiki so...di "velosidad cocolishi" pa "velosidad morocoy", y asina ta piki 7 punta so pa yega 12 net prome cu Team Snor pasa liña final cu 21 punta!! Un palisa Team Snor ta duna Red Stone cu score impresionante di 21 - 12!! Style di score palindromo nan'ki!! Testigonan a declara con un caravana di cara tristo y cu lagrima na wowo a sali despues rumbo pa Ayo, mientras cu den e scuridad di mardruga por a wak kla kla e 4 sapato blanco nan cu Team Snor a regala Red Stone ta lombra manera luz LED na pia di Red Stone! Tin entendi si cu e cos aki no ta bay keda asina! Team Red Stone a declara cu "they will be back"!! Mal rabia y cu miho strategia cu Snor!! Keda pendiente pa e revancha del ciglo aki!!
Propetario di 99 Bar & Restaurant, e embahador di domino di China, kier a gradesi Budweiser pa su tremendo patronisahe p'e anochi super ameno aki, y tambe kier a anunsia cu fin di e luna aki lo ta bay tin wega grandi den 99 Bar & Restaurant! Si shonnan, wega grandi pero grandi mes lo ta bay tin diasabra 27 di mei ora cu e gigantenan, e Goliath nan di Team Caba Cos, enfrenta nada menos cu e David nan di Team 99, kendenan den ultimo encuentro a sa di traumatisa Team Caba Cos ganando nan cu score di wanta rosea di 21 - 20!! Un logro cu a pone capitan di Caba Cos su higra bira preto preto! Team 99 lo por wanta e preshon diasabra 27?? Si Team 99 bolbe gana, capitan di Caba Cos lo bolbe nenga di sali ariba potret??? Shon nan, no perde e bataya formal aki diasabra 27 di mei na 99 Bar & Restaurant!! Yegaaaa!!!

mas foto di TEAM mas foto di TEAM
Yama Mr. Bucket!
ORGINAL SWAT