IPA cu congreso "Transforming Teachers and the Community for the 21st Century through Practitioner Based Research"

213 dia pasa , 16 di mei 2017 14:46
Seccion: social
foto di IPA cu congreso
Boogaard Assurantiën - P'abo Ta Bon Segura!
Megavit - Lejuez Brothers International

Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) den colaboracion cu Ministerio di Enseñansa y Maneho di Famia, ta tene un congreso riba tereno di enseñansa y investigacion. E titulo di e congreso ta Transforming Teachers and the Community for the 21st Century through Practitioner Based Research. Esaki ta un continuacion di e congreso cu a tuma luga aña pasa den cuadro di e celebracion 25 aña di IPA.

Meta di e congreso di e aña aki ta pa comparti conocemento y experiencia riba tereno di investigacion practico den enseñansa y comunidad. IPA kier stimula colaboracion entre partner den enseñansa superior y e comunidad di Aruba y Reino Hulandes. Alabes IPA kier promove hacimento di investigacion bao di docente y alumno di scol riba tur nivel, unda ta stimula y desaroya pensamento critico.

E congreso Transforming Teachers and the Community for the 21st Century through Practitioner Based Research ta tuma luga dia 22, 23 y 24 di mei 2017. Dia 22 di mei ta specialmente pa profesional riba tereno di enseñansa y investigacion. E orado principal ta Dr. Frank Spiering di Hogeschool Rotterdam. E lo trata e importancia di investigacion practico den enseñansa y comunidad pa stimula un comunidad di conocemento. Dia 23 mei ta specialmente pa maestro di scol primario y secundario. E orado principal ta Dr. Niek van den Bogert di Hogeschool Rotterdam. Dr. Bogert lo elabora riba investigacion basa riba practica den enseñansa. Tambe lo tin oportunidad pa bishita un exposicion den cua por haya sa mas di investigacion practico ehecuta pa e studiantenan y alumni di IPA. E programa di dia 24 di mei tambe ta dirigi na maestro di scol primario y secundario. E contenido lo ta na encargo di International School Leadership (ISL). ISL lo trata diferente topico relaciona cu investigacion practico den enseñansa manera entre otro; con pa evalua e proceso di siñamento, con pa colecta dato y con pa formula pregunta.
IPA kier recorda tur su invitadonan cu e ultimo fecha pa inscribi pa e congreso ta diahuebs awo, dia 18 di mei 2017. Pa inscripcion por manda e formulario di registracion cu a ricibi na e email ipaevents@ipaaruba.com
Un palabra di gratitud ta bay na Ministerio di Enseñansa y Maneho di Famia, patrosinador y institutonan academico y scolnan pa nan colaboracion pa e magno evento aki.

Maaza - Mango, Fruitpunch, Passionfruit
ORGINAL SWAT