Arthur Vallejo (Candidato di MEP): En Busca di un Parlamento Sano Pa Aruba!

39 dia pasa , 17 di mei 2017 12:02
Seccion: politica
foto di Arthur Vallejo (Candidato di MEP):  En Busca di un Parlamento Sano Pa Aruba!
Boogaard Assurantiën - P'abo Ta Bon Segura!
Megavit - Lejuez Brothers International

Arthur Vallejo (Candidato di MEP):

En Busca di un Parlamento Sano Pa Aruba!
Angustia y inconformidad den comunidad pa cu Parlamento di Aruba

Algun siman pasa tabata sumamente lamentabel y penoso pa wak e nivel di hiba reunion publico den parlamento. Nos a aprecia diferente video riba red social cu a sa di afecta nos y a pone nos reflexiona den e presente y futuro di nos pais.

Mi ta cuestiona mi mes como hoben profesional y nobo den e mundo di politica, cual beneficio un reunion den parlamento asina’ ki por tin pa Aruba? Den mi concepto, nos mester por hiba discusionnan di suma importancia (manera e ultimo cu a tuma lugar) den e mihor forma posibel (sano, profesional y respetuoso), dunando e ehempel pa nos hobennan y e respet cu Aruba y su pueblo en general merece. P’esey mi ta di opinion cu e politiconan ego centrico cu ta pone color y su partido prome cu e beneficio y e necesidad di su pueblo, tin e tendencia pa desaparece.

Mi ta compronde cu debate den parlamento ta importante y cu sin debate y critica ningun pais por prevalece. Pero nos lo kier mira debate riba nivel y criticanan constructivo opuesto na palabranan ofensivo y atakenan personal sin respet. Nos a scucha insultonan dirigi na fam di famia, sin pensa cu 2 candidato nobo hoben den nan partido ta carga e mesun fam aki. Esaki ta lagabo pensa si personanan asina ta capacita pa lidera pais Aruba, sin control di emocion versus pensamento logico y controla.

Mi mensahe pa e hoben politiconan aki ta pa keda cu boso cara na laira. Mi ta sigur cu boso no a drenta e mundo di politica pa haci malo y mi ta aplaudi boso decision pa e ingreso den e mundo di politica, uno cu siguramente no ta facil. Mi ta consciente cu nos tin hopi talento local capacita cu tin tur e posibilidadnan pa ta lider den nan area y cu lo ta di beneficio pa por tin nan ta traha pa Aruba.

Parlamento di Aruba mester manifesta e refleho di nos como Arubiano, como persona. E lucha no tabata uno facil pa por yega na tin un Parlamento y den e momento cu partido politico ta bira mas grandi cu Pais Aruba den Parlameto, Aruba ta core peliger.

Aruba mester di mas union, no division! Union den nos Gobierno, Union den nos Parlamento, Union den nos Famianan, Union den nos Scolnan, Union den nos Amistadnan, Union den nos lugarnan di trabou y Union den nos hogar! E caminda corecto mester di ehecucion pa e por bira un realidad. Con nos ta bay ehectua esaki?
Sinti e Poder Di Bo Voto!

Ennia Seguro di Biahe - For a care-free vacation
ORGINAL SWAT