Dama chofer ta baha caminda subi un serito di santo perde control y bolter na Balashi

Diasabra mainta a drenta informe di un accidente cu hende herida pabao di e rotonde nobo banda di Drive-Inn, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un dama chofer bayendo pariba a baha caminda subi un serito di santo pone perde control y bolter. Debi na e impacto e dama chofer a resulta herida, na yegada di e ambulans nan a atende e victima y a transporte pa hospital.