Accidente fuerte na Hooiberg a laga chofernan herida y un di nan pega den minivan

Diadomingo anochi a drenta informe di un accidente cu hende herida y pega den auto na Hooiberg, mesora a dirigi tanto polis, ambulans como tambe e equipo di rescate di bombero. Na yegada di e patruya a bin compronde cu aki ta trata di un accidente unda cu un chofer bayendo direccion pabao na dado momento a pone señal pa bay bira na man robez pa drenta un hanchi y su tras ta bini un minivan y sin brake ta bay dal tras di e auto. E impacto tabata fuerte tanto e chofer di e auto dilanti como tambe e chofer di e minivan a keda pega den auto y no por a sali. Na yegada di e bombero mesora a inicia cu trabaonan di rescate cortando parti di e auto pa asina e victima por sali. Na yegada di e ambulansnan nan a atende e victimanan y a transporta nan pa hospital.