Rudy Richardson di MEP: Ora argumento sano caba cu politiconan di AVP, mester uza e ‘Race Card’

98 dia pasa , 11 di januari 2018 16:20
Seccion: politica
foto di  Rudy Richardson di MEP: Ora argumento sano caba cu politiconan di AVP, mester uza e ‘Race Card’
Boogaard Assurantiën - P'abo Ta Bon Segura!
Megavit - Lejuez Brothers International


Mi a tuma nota di un articulo di vocero di partido AVP esta ex-Parlamentario Melvin Tromp riba supuesto discriminacion di Movimiento Electoral di Pueblo (MEP). Ta hopi tristo cu esaki ta bin di e persona menciona mirando su comportacion baho y vil den nos organo di mas halto cu ta nos Parlamento. Nos tur por corda ainda e disertacionnan baho y fo’i sla di e ex-Parlamentario aki durante e ultimo 8 añanan y cu awo el a wordo buta na banda pa su propio lider di partido, pasobra Sr. Tromp ta e unico cu a bay dilanti den voto personal pero su lider a lag’e fo’i Parlamento toch. Y awo e ta sirbi como "vocero" pa yuda hiba oposicion.

MEP a caba cu segregacion
MEP ta un partido prestigioso cu a wordo funda na aña 1971 pa caba cu segregacion aki na Aruba. Prome cu esaki partidonan politico tabata hiba un politica di origen y segregacion di rasa, clase economico y cuna. Awe despues di 47 aña di existencia, MEP no ta un partido perfecto pero a logra cu guia di nos Libertador Betico Croes (qepd) uni nos digno pueblo. Aruba no ta un pais perfecto pero e ta un pais cu ta gosa di hopi bendicion compara cu varios otro pais den region. Esfuersonan di cada lider di MEP ta pa uni nos digno pueblo sin distincion di rasa, credo y status social economico pero ora argumento valido caba cu nos contrincantenan ta e "race card" so ta wordo usa pa sigui crea desunion den nos digno pueblo cual ta di lamenta.

Un ex-gobierno inmoral
Cu e fiesta di gobierno di AVP a caba, esaki ta haci Sr. Tromp hopi dolor. Su colega di partido tambe awo ex-Parlamentario Sra. Desiree Croes a perde su caso den corte. Su lider di partido Sr. Eman a fix Desiree asina bon huridicamente cu e no por traha den funcion di Director di Arubahuis na Hulanda pero ta sigui cobra schaal 16 pa e proximo periodo di gobernacion, anto sin traha. Esaki ta nada mas cu sinberguenseria di parti di AVP. No tin etica den partido, manera Minister Otmar Oduber (POR) a expresa recientemente. Problema di Gabinete Mike Eman tabata uno di MORALIDAD. Mescos cu e caso fraudulento pasando den Lotto pa Deporte, unda e hunta di supervision no kier entrega nan posicion. Nan kier ta eynan pa bida manera e posicion ta uno hereditario, contrario cu locual a pasa na 2009 cu e ex-directiva mester a bay cas despues di tres (3) dia cu Gabinete Mike Eman a huramenta. Ora cu 85% di e fondo ta pa ganashi di e Banco di Canada y 15% pa deporte di Aruba algo ta hopi fout pero pa "vocero" Sr. Tromp esaki ta hopi normal. Den bon Papiamento: "Cada loco cu su locura."

Yama Mr. Bucket!
ORGINAL SWAT