Rudy Richardson di MEP: San Nicolas ta wak un luz na final di e tunnel scur y largo di 8 aña di gobierno di AVP

8 dia pasa , 12 di januari 2018 16:42
Seccion: politica
foto di Rudy Richardson di MEP: San Nicolas ta wak un luz na final di e tunnel scur y largo di 8 aña di gobierno di AVP
Boogaard Assurantiën - P'abo Ta Bon Segura!
foto di Rudy Richardson di MEP: San Nicolas ta wak un luz na final di e tunnel scur y largo di 8 aña di gobierno di AVP
Megavit - Lejuez Brothers International

Rudy Richardson di MEP:
San Nicolas ta wak un luz na final di e tunnel scur y largo di 8 aña di gobierno di AVP

Riba 7 di april 2017 mi a skirbi un articulo titula: "Nos hubentud lo concretisa nos vision". Mi tabata referi na e crecemento economico per capita di habitantenan di San Nicolas y vecindario. Ora mi bisa San Nicolas mi kiermen Pos Chikito, Savaneta y San Nicolas, pues Pariba di brug unda por a wak un retraso den e prosperidad economico/financiero den e hogarnan aki. Hustamente esaki tabata mi ponencianan desde 2013 como candidato politico di Movimiento Electoral di Pueblo (MEP).

Un San Nicolas Nobo
San Nicolas tin dos seccion pa desaroya: Seccion 1 ta locual nos ta yama Promenade y Seccion 2 ta e di dos parti pasando bushalte di Arubus. Masterplan di MEP tin un splicacion amplio riba esaki. Mirando e potencial a corto plaso pa Promenade, ey e focus mester bay anto esey ta hustamente locual Gobierno nobo ta haciendo. Minister Otmar Oduber (POR) a reactiva e "Cultural & Heritage destination". Cu gran expectativa pa e area mi ta sumamente satisfecho cu un Arubano di San Nicolas ta tuma e reto di bira entrepreneur den persona di Sr. Nedd y a habri un Café den Nicolas Store. Esaki ta cuadra totalmente cu e meta di Gabinete Wever-Croes. Mi ta cita di nos plan di gobernacion: "Lo crea espacio pa negoshinan chikito cu semper a haci San Nicolas grandi y asina crea un San Nicolas 'Nobo' pa compranan familiar."

Crea un economia sostenibel
Un di e problemanan di San Nicolas ta cu mayoria di e pueblo ta traha den e area hotelero na otro banda di nos isla, anto cu tempo a bira custumber di haci shopping na Playa pasobra 90% di comercio na San Nicolas a cera. Awo ta un era nobo. Gobierno tin e deber di desaroya e infrastructura tanto fisico como fiscal pa atrae inversionista den e area aki. San Nicolas semper tabata tin un economia industrial pero cu tempo esaki a bin cu su retonan combina cu un red light zone. Cada generacion mester adapta y crea un economia sostenibel pa nan mes y esaki mester ta e meta den e proximo añanan nos dilanti. Hopi di nos hendenan kier bin bek Aruba y particularmente den e area di San Nicolas pero pa falta di oportunidad ta keda na Europa. Mester stimula e regreso di nos hendenan combina cu acceso na comercio, vivienda y logico un estilo di bida igual y progresivo di locual nan tin na Hulanda.

Gara destino den propio man
Refineria ta djis un parti di e Masterplan pa San Nicolas y vecindario. E no ta e solucion mirando cu semper San Nicolas tabata tin un refineria pero e prosperidad economico a keda limita asina mes. Nos meta como gobierno ta pa crea desaroyo economico na San Nicolas, y trece progreso pa habitantenan di San Nicolas. Falta hopi mas pero esaki ta un luz na final di e tunnel scur y largo di maneho di gobierno di AVP cu a percura pa mantene e districto den dependencia politico cu fiesta y mas fiesta combina cu sopi gratis. Na final di dia esaki no ta trece progreso pa nos pueblo y sigur no ta trece e spirito di "gara bo destino den bo propio man". Mester traha mas riba marketing pa negoshinan existente y nobo, e.o Pueblito Paisa y Gayo Rojo pa menciona algun. Tin cu mercadea e area comercial y su servicionan mas amplio posibel. Esaki mester sosode conhuntamente cu sosten di varios otro ministerio e.o. Turismo, Economia y Infrastructura. Gabinete Wever-Croes su meta ta pa crea conhuntamente condicionnan cu lo haci inversion den e area aki beneficioso pa negoshi, pues un maneho pa realisa actividad economico na San Nicoalas. Nos ta yama Sr. Nedd bon bini y hopi exito y mi ta spera cu e pueblo dun’e e sosten necesario. Nos Libertador Betico Croes (qepd) a bisa. "Mas vale morir de pie, que vivir de rodillas." (It's better to die on your feet, than to live on your knees.")

For a limited time only: Wendy's Philly Cheeseburger!
ORGINAL SWAT