Resumen di actividad Carnavalesco di Colegio San Nicolas

10 dia pasa , 13 di februari 2018 00:40
Seccion: arte y cultura
foto di Resumen di actividad Carnavalesco di Colegio San Nicolas
Boogaard Assurantiƫn - P'abo Ta Bon Segura!
Megavit - Lejuez Brothers International

Riba diabierna 9 di februari Colegio San Nicolas a organisa su actividad anual di Carnaval. Esaki no solamente tabata consisti di un jump-up escolar (entre otro cu e scolnan Colegio San Augustin, Colegio Santa Filomena y Abraham de Veerschool), pero tambe un actividad social y educativo na scol mes.
E asina yama Smart Moves Carousel tabata tin como meta pa educa y alaves concientisa nos hobennan tocante diferente topico di importancia relaciona cu actividadnan rond di carnaval. Ta trata aki di e posibel peligronan y consecuencianan negativo ora no anda den un forma conciente. E invitadonan experto a duna tips pa con por anda mas conciente y positivo durante e periodo aki. Algun topico tabata tocante abuso di droga y alcohol, prevencion di malesanan transmiti sexual, mal comportacion y gangs, embaraso hubenil y e peligernan di sexting. E diferente instacianan cu a forma parti di e Smart Moves Carousel tabata FADA, Telefon Pa Hubentud, Douane, KPA, DESPA, KIA y Respeta Mi. E evento Smart Moves Carousel tabata exitoso.
Pa finalisa Colegio San Nicolas kier a extende un danki especial na tur persona y instancio cu a contribui na e evento socio-educativo y na e Jump-up escolar, specialmente Rode Kruis pa nan bon sosten.

Yama Mr. Bucket!
ORGINAL SWAT