E di tres fase den menos di un aña Goshen Organic Farm contento cu bishita di dr. ing. Filomeno A. Marchena

245 dia pasa , 13 di april 2018 12:36
Seccion: social
foto di E di tres fase den menos di un aña Goshen Organic Farm contento cu bishita di dr. ing. Filomeno A. Marchena
Boogaard Assurantiën - P'abo Ta Bon Segura!
foto di E di tres fase den menos di un aña Goshen Organic Farm contento cu bishita di dr. ing. Filomeno A. Marchenafoto di E di tres fase den menos di un aña Goshen Organic Farm contento cu bishita di dr. ing. Filomeno A. Marchenafoto di E di tres fase den menos di un aña Goshen Organic Farm contento cu bishita di dr. ing. Filomeno A. Marchena
Smart Systems Aruba - Bishita nos page pa mas informacion

Avansando ya caba pa nan di tres fase den menos di un aña
Goshen Organic Farm contento cu bishita di dr. ing. Filomeno A. Marchena (Boei)
Alto Vista, NOORD - Recientemente Goshen Organic Farm, enfoca riba cultivo organico di berdura local situa na Alto Vista, Noord a ricibi bishita di experto riba tereno di produccion di awa, profesor dr. ing. Filomeno A. Marchena (Boei).

Un di e factornan primordial di cultivo den tera ta awa, pa e motibo aki directiva di Goshen Organic Farm ta explorando diferente manera pa haci uzo di manera mas eficiente di e diferente fuentenan di awa cu tin aki na Aruba. Asina a acerca Sr. Marchena, Fundado di FESTAS kende tin mas di 25 aña den experiencia riba e tereno di produccion di awa y proceso di desalinacion di awa di lama. Sr. Marchena a wordo ricibi pa Sr. James Ocalia - Director di Goshen Organic Farm kende a duna Sr. Marchena un recorido di henter e proyecto agricultural. Un asociacion cu lo trece hopi intercambio di experticio y un investigacion profundo pa loke ta e situacion di awa aki na Aruba y eficiencia pa e plantacion organico.

“Mi ta hopi contento cu e bishita di Sr. Marchena kende tambe ta hopi exita cu nos proyecto. Pa motibo cu e ta mire tambe riba e plataforma social cu nos tin. Sr. Marchena ta mira diferente manera cu su fundacion por yuda nos y di mes manera tambe por bira un prototypo pa otro cunukeronan tambe por haci uzo di awa riba e manera mas eficiente. Sr. Marchena a presenta diferente idea entre otro, sistema di ‘reverse osmosis,’ sistema pa añadi mineralnan na e awa of di transporta awa di lama. Hunto lo nos tin cu bay wak ki direccion pa tuma y dicidi kico lo bay ta mas practico y alcansabel pa nos na e momentonan aki,” Sr. Ocalia ta conta.

Goshen Organic Farm ta casi un aña caba den operacion. E plantacion a inicia dia 28 di April 2017 unda a termina e prome fase cu ta e prome tereno di e plantacion. E di dos fase, cu ta e di dos tereno di e plantacion, tambe a keda cla y awor nan ta den nan di tres fase cu ta consisti di un area di gazebo, kiosk, y introduccion di un sistema di Aquaponics. Tur esaki, mientras e produccion di berdura diario tambe ta continua. Cultivacion di esaki ta wordo haci den tera di manera organico, uzando principionan di permaculture - e desarroyo di sistemanan ecologico di agricultura cu ta sostenibel y autosuficiente.

“Nos bista pa futuro no ta solamente pa sigui planta pa brinda pueblo berdura local, pero tambe pa crea un experiencia akinan mes cerca nos na Alto Vista 52 pa habri hende nan mente tocante nan escogencia di locual nan ta come y bebe y ki efecto esaki tin riba nos salud. Nos kier crea un experiencia di agricultura y gastronomia, uzando metodonan mas moderno pa cultiva. Mirando e reaccion di pueblo cu nos tin, den menos di un aña di existencia nos ta sumamente optimista cu nos ta riba e bon caminda,” Sr. Ocalia a termina bisando.

mas foto di E di tres fase den menos di un aña Goshen Organic Farm contento cu bishita di dr. ing. Filomeno A. Marchenamas foto di E di tres fase den menos di un aña Goshen Organic Farm contento cu bishita di dr. ing. Filomeno A. Marchena
You Call, We Haul
ORGINAL SWAT