Awo bo por cumpra weganan di Lotto Online

9 dia pasa , 12 di juni 2018 10:31
Seccion: technologia
foto di Awo bo por cumpra weganan di Lotto Online
Boogaard Assurantiën - P'abo Ta Bon Segura!
foto di Awo bo por cumpra weganan di Lotto Onlinefoto di Awo bo por cumpra weganan di Lotto Onlinefoto di Awo bo por cumpra weganan di Lotto Online
Megavit - Lejuez Brothers International

Awo bo por cumpra weganan di Lotto Online

ORANJESTAD, Aruba – 12 di juni, 2018: Durante un conferencia di prensa bon atendi, Lotto, E Loteria di Aruba a anuncia cu e ta introduci un canal adicional, y nobo, pa cumpra pa e weganan di Lotto: Lotto Online. Lotto Aruba a cuminsa cu benta manual na aña 1984. Na 1999 a bai over na un systema automatisa, Secura. Awo despues di 19 aña Lotto ta introduci un canal adicional y innovativo na su clientenan. Awendia tin un grupo grandi cu ta hasi uzo di technologia moderno pa hasi compra y Lotto ta contento di por ofrece e mercado aki un punto di benta online pa cumpra y hunga Lotto, esta via smartphone, tablet of computer. Esaki sigur ta un punto di benta adicional y moderno cu lo completa e manera di ofrese e weganan di Lotto.

Pa por cuminsa hunga online mester subi www.lottoaruba.com click riba e tab Play Now y traha un cuenta, despues di aprobacion e hungado mester pasa cerca un rebendedo pa pone fondo riba su cuenta, esaki ta e asina yama: Top Up. Tene cuenta cu pa traha un account tin algun rekisito cu mester cumpli cune pa ricibi aprobacion, entro otro cu e hungado mester tin 18 aña of mas y tambe mester upload un ID valido. Asina cu bo cuenta wordo aproba e systema automaticamente ta kita bo ID for di e systema. Si no ta desea di upload ID, por pasa tambe na oficina principal di Lotto na Paardenbaaistraat 10, Oranjestad, cu bo ID. Despues di aprobacion e hungado por cuminsa agrega fondo na su cuenta. Tin dos manera pa Top Up bo cuenta: 1. Pidi e rebendedo pa manda e fondo direct na bo cuenta. Den e caso aki bo ta duna e rebendedo bo codigo di hungado. Of, e rebendedo ta print un ticket cu un number serial y abo mes ta Top Up bo cuenta. E sumanan cu bo por kies pa Top Up ta Afl. 5, Afl. 10, Afl. 20, Afl. 25, Afl. 50, Afl. 100, Afl. 250, Afl. 500 y Afl. 1000.

Tur e weganan di Lotto ta na benta Online, nos ta papia aki di Catochi, Big 4, 1-OFF, Zodiac, Wega di Number Korsou, Lotto Di Dia, Lotto 5, Mini Mega y Mega Plus. Naturalmente pa e weganan di cuatro cifra tin e opcion pa hunga Merdia y Anochi online tambe. Bo por hasi uzo di e opcion di Multi Draw, esta keda cu bo numbernan den wega pa proximo sorteonan. Ta importante pa menciona cu benta online di Lotto, E Loteria di Aruba ta pa mercado local so, no ta pa mercado internacional.

Kico bo ta warda? Habri bo cuenta y cuminsa cumpra Lotto Online. Pa cualkier pregunta por tuma contacto via email na info@arubalottery.com of na telefon 525-7555.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Y awo bor cumpra Lotto Online tambe. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

mas foto di Awo bo por cumpra weganan di Lotto Online
Maaza - Coconut water and Mango
ORGINAL SWAT