Royal Power Tat Fat Home Depot ta derota Superplus den Copa Noord 14-2

13 dia pasa , 10 di september 2018 13:01
Seccion: deporte
foto di Royal Power Tat Fat Home Depot ta derota Superplus den Copa Noord 14-2
Boogaard Assurantiën - P'abo Ta Bon Segura!
foto di Royal Power Tat Fat Home Depot ta derota Superplus den Copa Noord 14-2foto di Royal Power Tat Fat Home Depot ta derota Superplus den Copa Noord 14-2
Smart Systems Aruba - Bishita nos page pa mas informacion

E famoso Torneo di Copa Noord 2018 organisa pa Tanki Leendert Giants a continua fin di siman riba veld di Centro di Bario Noord. Diasabra den oranan di atardi Royal Power a enfrenta Superplus. Royal Power ta sali fuerte den di promer inning anotando 6 careda y ta amplia e score den di dos inning cu 7 careda pa pone Superplus lomba contra muraya. Finalmente Royal Power ta gana cu score di 14 pa 2. Royal Power 14 careda, 16 hit, 2 error. Superplus 2 careda, 8 hit y ta comete 3 error. Alvaro Barrios el “cabayo de hiero” ta bay cas cu e victoria riba su nomber. Robert Henriquez kende a wordo releva pa Eldrick Maduro mester a conforma su mes cu e derota. Pa Royal Power a destaca na bate Gregory “Pilin” Krosendijk 4-3, Goiandrick Lacle y Kenny Hart ambos di 3-2. Jomark Flanegin 3-2 incluyendo un homerun den deep left, Dijendrick Croes di 3-3 cu un homerun y un base por bola y Franco Wouters di 4-2. Pa Superplus a luci cu e madera den man Samir Webb 2-2, Francel Bernardus 3-3 y Gregory Manuel 2-1. Weganan valido di Copa Noord ta continua diasabra y diadomingo awor riba veld di Centro di Bario Noord. Fanaticada di cada equipo y muy enparticular pueblo di Noord ta keda cordialmente invita pa pasa tereno bin apoya boso equipo preferi y alaves goza den ambiente di deportivo.

Cumpra bo Lotto Online - Click to Play Now
ORGINAL SWAT