Gobierno hunto cu Monumentenfonds a anuncia proyecto di renobacion y restauracion di Uncle Louis Store

11 dia pasa , 10 di october 2018 14:31
Seccion: arte y cultura
foto di Gobierno hunto cu Monumentenfonds a anuncia proyecto di renobacion y restauracion di Uncle Louis Store
Boogaard Assurantiën - P'abo Ta Bon Segura!
foto di Gobierno hunto cu Monumentenfonds a anuncia proyecto di renobacion y restauracion di Uncle Louis Store foto di Gobierno hunto cu Monumentenfonds a anuncia proyecto di renobacion y restauracion di Uncle Louis Store foto di Gobierno hunto cu Monumentenfonds a anuncia proyecto di renobacion y restauracion di Uncle Louis Store
Smart Systems Aruba - Bishita nos page pa mas informacion

Gobierno di Aruba conhuntamente cu Monumentenfonds ta anuncia proyecto di renobacion y restauracion di Uncle Louis Store

Stichting Monumentenfonds Aruba (SMFA) ta contento di por anuncia un proyecto nobo cu lo cuminsa pronto. E fundacion lo restaura e edificio di Uncle Louis Store completamente.
Aña pasa a logra finalisa e compra di e edificio y despues di tur e preparacionnan necesario pa e proyecto nos por comparti e bon noticia aki cu e comunidad di Aruba.
Actualmente SMFA hunto cu e arkitecto cual ta Sr. Leo Ponson di Archiosa ta trahando riba e diseño y documentonan pa por tene un destaho publico na November 2018 y asina prepara pa e trabounan por cuminsa durante e prome lunanan di e aña venidero. Unabes e proyecto ta finalisa, Land Aruba ta bay huur e edificio y esaki lo bira e oficina nobo di departamento di Directie Natuur en Milieu.
Durante restauracion ta bay introduci hopi aspectonan duradero, manera panelnan solar, systema pa recoge awa, luznan LED, ‘green wall’ etc..
E monumento di Uncle Louis Store, conoci tambe bou di e nomber di Ex Douane Kantoor ta keda na skina di Bargestraat y Bernard van der Veen Zeppenfeldtstraat 7. Un edificio construi den añanan cincuenta, diseña pa arkitecto Jan Nagel y construi den un estilo di ‘Nieuw Bouwen’ tabata pa hopi aña edificio di Uncle Louis Store cu tabata un general store. Na principio di añanan nobenta gobierno a cumpra e edificio y esaki a bira oficina di Aduana. Pa basta aña caba e edificio aki ta bashi y a bira tambe un monumento proteha.
SMFA ya pa basta tempo ta den combersacion cu gobierno di Aruba pa asina por a cumpra e edificio. Como organisacion cu meta pa restaura momumento, Gobierno di Aruba a Opta pa bende e edificio cu SMFA bou condicion cu lo restaura e edificio aki y salbaguardia su estado como monumento di Aruba. Unabes cu caba cu restauracion di e edificio lo ubica Departamento di Naturalesa y Medio ambiente den esaki. Durante e proceso di preparacion SMFA a duna autorisacion na Ateliers ’89 pa haci uzo di e edificio. Nan tin varios exposicion temporal den dje.

Stichting Monumentenfonds Aruba como propietario di edificio lo percura pa restaura e monumento aki debidamente pero tambe ta garantisa un mantencion apropia p’e edificio dor di crea un plan di mantencion cu mesun structura cu ta wordo implementa na e otro monumentonan cu ta propiedad di SMFA, pa asina nan por ta semper den bon condicion.
Banda di e Watertoren y Nicolaas Store, esaki lo bira e di tres monumento y proyecto cu SMFA tin den e area di San Nicolas for di un total di diesdos edificio monumental y tres obheto monumental (p.e. Kalkoven Rancho). Asina aki SMFA ta sigui duna contenido na e meta pa preserva nos pasado pa futuro.

Maaza - Mango, Fruitpunch, Passionfruit
ORGINAL SWAT