UNCLE LOUIS STORE LO BIRA E LOCALIDAD NOBO DI DEPARTAMENTO DI NATURALESA Y MEDIO AMBIENTE

60 dia pasa , 10 di october 2018 15:06
Seccion: social
foto di UNCLE LOUIS STORE LO BIRA E LOCALIDAD NOBO DI DEPARTAMENTO DI NATURALESA Y MEDIO AMBIENTE
Boogaard Assurantiën - P'abo Ta Bon Segura!
Megavit - Lejuez Brothers International

UNCLE LOUIS STORE LO BIRA E LOCALIDAD NOBO DI DEPARTAMENTO DI NATURALESA Y MEDIO AMBIENTE

ORANJESTAD - Den e ultimo lunanan Departamento di Naturalesa y Medio Ambiente (DNM) conhuntamente cu Ministerio di Desaroyo Teritorial, Infastructura y Medio Ambiente a dialoga ariba ubicacion di oficinanan di DNM ya cu e localidad actual no ta acomoda e fluho di trabou, y e crecemento dinamico den responsabilidad di DNM.
E ta un honor pa DNM ubica su mes na unda antes tawata Uncle Louis Store. E localidad maneha pa Stichting Monumentenfonds ( SMFA) tin su beneficionan. SMFA como propietario di edificio lo percura pa restaura e monumento debidamente, pero tambe ta garantisa un mantencion apropia p’e edificio door di crea un plan di mantencion cu e mesun structura cu ta implementa na e otro monumentonan cu ta propiedad di SMF. Asina nan ta garantisa cu e propiedad ta keda den den bon condicion. Nos departamento ta na fabor di preservacion di nos herencia cultural tangibel y tambe intangibel.
Den cuadro di inovacion, DNM a haci algun peticion pa cu e structura parti paden, unda DNM lo favorece e concepto di oficina habri/“open space offices”. A reuni cu staff di DNM pa presenta e concepto y a duna e staff tempo pa analis’e pa despues bay bek n’e arkitecto cu tur sugeriencia pa wak kico por y kico no.
DNM ta contento cu Monumenten fonds a tene cuenta cu local DNM ta para p’e, pa loke ta trata aspectonan duradero manera: solar panels, water catchment system, LED lights, green wall y inverters.
Si tur cos bay segun plan, DNM lo ta ubica den su localidad nobo na aña 2020. Mientrastanto, nos lo sigui duna servicio for di Bernhardstraat 75, Sanicolas.

You Call, We Haul
ORGINAL SWAT