Awe 11 October ta World Sight Day ( Dia Mundial di Vision

11 dia pasa , 11 di october 2018 06:45
Seccion: salud
foto di Awe 11 October ta World Sight Day ( Dia Mundial di Vision
Boogaard Assurantiën - P'abo Ta Bon Segura!
Megavit - Lejuez Brothers International

Awe 11 October ta World Sight Day ( Dia Mundial di Vision).
E dia aki ta wordo observa anualmente ariba e di 2 diahuebs di oktober. Organisacion Mundial di Salud (WHO) ta organisa diferente actividad mundialmente pa pone enfasis riba cieguedad y impedimento visual. E dia aki a origina inicialmente na aña 2000 door di e campaña Sightfirst (Bo Bista Prome) cu ta wordo organiza pa Lions Club International Foundation.

Bo tabata sa cu:

- 285 miyon di persona mundialmente ta ciego of tin limitacion di bista
- di esakinan 217 miyon tin limitacion modera te severo y 68 miyon ta completamente ciego
- 90% di personanan cu ta ciego ta biba den paisnan pober
- 80% di e impedimento visual aki por wordo evita door di controla frecuentemente y door di tratamento medico
- 1.2 biyon persona mundialmente mester usa un bril tur dia pa por mira mihor
- restauracion di bista y strategianan preventivo pa preveni cieguedad ta un di e intervencionan mas economico den cuido medico
- tin alrededor di 19 miyon mucha mundialmente cu problemanan di bista
- 65 % di personanan cu tin limitacion di bista ta cay den e categoria di 50 aña bay ariba. Esaki mientras cu e grupo aki ta solamente 20% di poblacion mundial
- e cantidad di personanan cu edad riba 50 aña ta creciendo hopi liher mundialmente esey ta significa cu mas hopi hende ta den e risico di desaroya problemanan di vista relata na edad.

Nos di Aruba One Happy Island Lions Club kier a pidibo pa pensa un rato ariba bo bista. Haci controlnan necesario regularmente serca bo oculista y preveni problemanan visual den futuro.

Maaza - Mango, Fruitpunch, Passionfruit
ORGINAL SWAT