BIBA LEKKER A LOGRA REVANCHA NA 99 BAR & RESTAURANT!!

38 dia pasa , 7 di november 2018 09:48
Seccion: deporte
foto di BIBA LEKKER A LOGRA REVANCHA NA 99 BAR & RESTAURANT!!
Boogaard Assurantiën - P'abo Ta Bon Segura!
foto di BIBA LEKKER A LOGRA REVANCHA NA 99 BAR & RESTAURANT!!foto di BIBA LEKKER A LOGRA REVANCHA NA 99 BAR & RESTAURANT!!foto di BIBA LEKKER A LOGRA REVANCHA NA 99 BAR & RESTAURANT!!
Megavit - Lejuez Brothers International

udawecha/Calabas Square Garden – Diasabra ultimo por fin, despues di dos intento en vano, di tres biaha si Team Biba Lekker a logra gana nan rival grandi, esta Team Balashi Knights bou liderasgo di Glen "Mobuto" Croes! Cu e speransa cu e dicho Hulandes "driemaal is scheepsrecht" ta berdad, Biba Lekker a presenta yen di animo n'e unico Domino Square Garden na mundo, esta 99 Bar & Restaurant.
Cos no a bay fasil sinembargo! Wega tabata super preta y cu diferensia minimo Balashi Knight a drenta half time ganando 11-10! Den di dos tempo cos a sigui mes un cuenta... un pa mi un pa bo! Pero, observadornan den publico por a nota den un skina varios integrante di Biba Lekker a logra decifra e "radio Tetra" di Balashi Knights, y a cuminsa capta tur e transmission secreto nan di Balashi! Brasa crusa kermen manda 5... brasa habri manda 6... u dede grawatando nanishi manda 1... etcetera etcetera, y den corto tempo Balashi a bay vloer! Euforia total cerca fanaticada di Biba Lekker, kende por fin ta logra su victoria contra Balashi Knights cu score convincente di 21 - 17!!
Keda pendiente shonnan amante di bon domino, pasobra e temporada di "last lap" ta bay cuminsa na 99 Bar & Restaurant!

Prijs special pa Green Waste - Yama Mister Bucket!
ORGINAL SWAT