Problema cu cacho ta sigui y a bolbe escala te hasta menasa a cay na Moko!

10 dia pasa , 5 di december 2018 17:50
Seccion: incidente
foto di Problema cu cacho ta sigui y a bolbe escala te hasta menasa a cay na Moko!
Boogaard Assurantiën - P'abo Ta Bon Segura!
Megavit - Lejuez Brothers International

Diaranzon atardi a drenta informe di un pelea cu arma andando na Moko, mesora a dirigi varios patruya na e sitio. Na yegada di e patruya a bin compronde cu aki ta trata di un problema bieuw y awor a bolbe cuminza y e biaha aki cu menasa cu morto anto tur esaki pa via di cacho cu ta sali pafor di cura y subi caya. Ta asina cu algun tempo atras un ciudadano pasando den auto a nota cu 2 cacho a sali for di un cura y tabata atacando un mucha e chofer a maniobra di tal forma cu e cachonan a spanta y nan a core pa bay bek den nan cura pero e chofer sin por yuda su auto a pasa riba e 2 cachonan cu a spanta y core bay paden. E chofer a notifica autoridad di esaki y hasta un boet ela haya. Pero e doño di e cachonan a averigua ken e chofer ta, unda e ta biba, ki auto e ta core etc. etc. y a post esaki riba facebook. E publicacion ey a pone mas di 700 persona reacciona en contra di e chofer y como tal a perjudica e ciudadano cu ta purba e kier a purba yuda un mucha di wordo ataca pa cachonan di un doño irresponsabel cu no ta sera su cura ni mantene su cachonan den su cura. Enfin awe atrobe un di e cachonan a bay pa ataca yiu di e mesun persona pero e biaha aki e yiu a yama su tata bisando e cu e mesun cacho di e cas ey a bay atake. E tata dimes rabia pa locual a sali den facebook a bini mesora na defensa di su yiu. Pero e mecanico cual ta doño di e cachonan kier a intimida e yiu pero a haya sorpresa ya cu e tata tambe tabata tey y a invite pa sali fey su cura y regla e asunto manera homber pero e mecanico a yama un di su trahadornan aparentemente colombiano illegal pa bin yud'e pero e e colombiano aki a menasa e tata cu morto alegando cu e sa unda e ta biba etc. etc. pero net na e momentonan ey polis a yega y e colombiano a djies somenta "por arte di magia". Polis a rondia pa e colombiano ey pero esaki a baha na katuna. Polis a papia cu ambos y e tata a keda di pasa na recherche pa entrega keho di menasa y di tiramento di piedra.

You Call, We Haul
ORGINAL SWAT