Problema di hoben a bay for di man na Sabana Basora

156 dia pasa , 9 di februari 2019 16:51
Seccion: incidente
foto di Problema di hoben a bay for di man na Sabana Basora
Boogaard Assurantiën - P'abo Ta Bon Segura!
video di Problema di hoben a bay for di man na Sabana Basora  video di Problema di hoben a bay for di man na Sabana Basora  foto di Problema di hoben a bay for di man na Sabana Basora
Smart Systems Aruba - Bishita nos page pa mas informacion

Diasabra, den oranan di atardi, a pidi pa varios unidad di polis pa bay cu maximo urgencia na e casnan di pueblo di Sabana Basora. A drenta informacion cu lo tabata tin un pelea pisa andando y cu tin arma envolvi. Ta papia aki di bat di baseball, despues a papia tambe di arma di candela. Mirando cu a drenta diferente yamada, a pone cu a manda varios unidad di San Nicolas, Santa Cruz, di trafico entre otro. Tur e unidadnan aki a yega rapidamente na e sitio.
Ora cu nan a yega, ya e cos tabata mas of menos calmo. A bay na un cas caminda cu e melding lo a drenta y nan a scucha mama di hobennan cu tabata tey, ta splica cu un grupo di hoben cu ta biba un tiki mas p'abao, esta bisiñanan, lo a bin causa problema na nan cas. Aparentemente nan lo manda auto riba su dos yiunan, cualnan ta morocho di 10 aña. Dimes e cos a bira un problema grandi, unda cu tabata tin sacamento di arma blanco. Ora cu polis a yega, nan a haya un splicacion detaya unda e otro partidonan ta. A haya adres y polis a bay tambe na e adres eynan pa mira si por topa cu e otronan cu ta envolvi.
Asina nan a bin topa cu mas of menos tres pa cuater hoben na un cas y nan a conta polis nan banda di medaya. Polis a a bay na e cas mas p'abao, unda cu nan a mira cu aparentemente nan lo a kibra glas di e cas cu piedra. Polis a tuma nota di tur loke a wordo haci. Dos glas dilanti di e cas tabata kibra y segun informacion, esnan banda p'ariba caminda cu aparentemente a manda auto riba nan, lo ta esnan cu a kibra e glasnan di e cas mas p'abao di e otro grupo. Ta trata aki di dos grupo cu tin problema cu otro y pa colmo, lo ta practicamente bisiña. Polis a listra un auto tambe, un Tercel blanco cu segun informacion ta e auto uza pa manda auto riba e muchanan. Despues a papia cu e hobennan aki y a splica nan cu nan por bay haci un denuncia na warda di San Nicolas, locual cu nan a dicidi tambe cu nan lo bay haci.
Polis a bisa nan cu nan lo yama recherche. Recherche lo bin warda y asina por bay mesora pa haci un denuncia contra e otro grupo mas p'ariba cual nan tin problema cun'e.
Polisnan a papia cu tur partido y a reina trankilidad atrobe den Sabana Basora.

mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora  mas foto di Problema di hoben a bay for di man na Sabana Basora
Wendy's Flavor Fest! Limited time only, Barbecue and Mushroom
ORGINAL SWAT