Royal Power Tat Fat Home Depot ta knockout Jay’s Tire

73 dia pasa , 9 di juni 2019 17:06
Seccion: deporte
foto di Royal Power Tat Fat Home Depot ta knockout Jay’s Tire
Boogaard Assurantiën - P'abo Ta Bon Segura!
foto di Royal Power Tat Fat Home Depot ta knockout Jay’s Tire
Megavit - Lejuez Brothers International

Campeonato fast pitch di Aruba Softball Bond a continua
Royal Power Tat Fat Home Depot ta knockout Jay’s Tire

Campeonato fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veld di Dragon Hitters. Den categoria AA Royal Power Tat Fat Home Depot a baha fuerte riba e muchanan di Jay’s Tire y ta gana e partido mediante un knockout fulminante. Royal Power ta anota 4 careda den cabez di promer inning y ta amplia esaki cu 8 careda den cabez di 2 inning. Den bom di 3 Jay’s ta purba rally y ta anota 1 careda. Finalmente Royal Power ta anota 3 careda mas pa finalmente seya e victoria 15-2 riba e muchanan di Jay’s Tire. Como equipo Royal Power a bati di 28-17 pa un averahe di 607 mientras Jay’s Tire a bay di 17-8 bon pa un averahe di 471. Boxscore final Royal Power 15 careda, 17 hit, 0 error y ta laga 6 coredor na base. Jay’s Tire 2 careda, 8 hit, 4 error y ta laga 4 coredor den circulacion. Mihor bateadornan pa Royal Power Gregory “Pilin” Krosendijk 3-2 incluyendo un triplete cu 4 careda anota y 1 rbi, Edmar Tromp di 4-3 cu 2 rbi, Jomark Flanegin 4-2 cu 2 rbi, Kelvin Silvania di 3-2 cu 2 rbi, Franco Wouters di 3-3 cu 3 careda anota y 1 rbi, Richard “Nunn” Flanegin, Giandrick Lacle ambos di 2-1 y Jeandrick Croes di 2-1 cu 2 rbi. Pa Jay’s Tire a destaca na plato Nathan Berkel y Artoir Herrera di 2-2, Filbert Thiel y Josmar Thiel ambos di 2-1, Djurwin Croes di 1-1. Jomark Flanegin ta bay cas cu e victoria riba su nomber lansando 4 inning, 18 bola, 31 strike pa un total di 49 pitch permitiendo 2 careda riba 8 hit propinando 2 ponche regalando 1 base por bola. Gianmar Alders ta lansa 55 pitch permitiendo 12 careda di cual 7 ta limpi tras di 1 hit regalando 1 base por bola y ta resulta pitcher perdedor. Gianmar ta wordo releva pa Jorge Santana kende ta tira 2 inning y 1 tercio pa un total di 47 pitch permitiendo 3 careda y 4 hit. Campeonato ta continua dialuna, diaranson y diabierna riba veldnan na Pos Chiquito y diamars y diahuebs na Dragon Hitters. Fanaticada jega tereno bin apoya Bo equipo preferi!

Wendy's Flavor Fest! Limited time only, Barbecue and Mushroom
ORGINAL SWAT