Campeonato fast pitch di Aruba Softball Bond a continua Black Joker ta derota Logros 9-6

73 dia pasa , 9 di juni 2019 17:38
Seccion: deporte
foto di Campeonato fast pitch di Aruba Softball Bond a continua Black Joker ta derota Logros 9-6
Boogaard Assurantiën - P'abo Ta Bon Segura!
foto di Campeonato fast pitch di Aruba Softball Bond a continua Black Joker ta derota Logros 9-6
Smart Systems Aruba - Bishita nos page pa mas informacion

Campeonato fast pitch di Aruba Softball Bond a continua
Black Joker ta derota Logros 9-6

Campeonato fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veld na Pos Chiquito. Den un gran partido e muchanan di Black Joker ta logra derota un di e punteronan di campeonato esta Logros cu score di 9-6. Black Joker a bati como equipo di di 24-8 pa un averahe di 333 mientras Logros a bati como equipo di 23-8 pa un averahe di 349. Black Joker ta pika ariba 1-0 den promer inning. Logros ta bolter e score 2-1 den bom di dos inning. Black Joker ta anota 5 careda den cabez di 4 inning y mesora den bom di 4 Logros ta rally pa 4 careda pa empata e wega na 6. Black Joker ta bolbe rally pa 3 careda mas den cabez di 5 inning y Eldrick Maduro ta preta brasa pa asina bay cas cu e victoria. Boxscore final Black Joker 9 careda, 8 hit, 1 error y ta laga 4 coredor na base. Logros 6 careda, 8 hit, 3 error y ta laga 8 coredor den circulacion. Mihor bateadornan pa Black Joker ta Oslin Bergrok 3-2, Danilo Croes 1-1, Denver Werleman di 2-1. Pa Logros a destaca na plato Genaro Girigori, Elvin de la Cruz, Johnny Rasmijn y Arturo Camacho tur a bay di 2-1. Eldrick Maduro a tira 5 inning , 44 bola, 51 strike pa un total di 95 pitch permitiendo 6 careda di cual 4 ta limpi tras di 8 hit propinando 2 ponche y ta regala 5 base por bola poniendo e victoria riba su nomber. Clemente Garcia ta tira 3 inning y 2 tercio, 57 pitch permitiendo 6 careda, 6 hit y ta regala 2 base por bola. Genaro Girigori ta releva 1 inning ta permiti 3 careda riba 2 hit regalando 2 base por bola y ta sali pitcher perdedor. Weganan ta continua dialuna, diaranson, diabierna riba veld na Pos Chiquito mientras diamars y diahuebs ta riba veld di Dragon Hitters. Dragon hitters cu su pastechinan bon dushi y un tremendo bar pa refresca curpa. Jega tereno bin apoya Bo equipo preferi.

Cumpra bo Lotto Online - Click to Play Now
ORGINAL SWAT