Minister Ruiz-Maduro: Reforma Fiscal ta importante pa progreso financiero y economico di nos Pais

10 dia pasa , 10 di september 2019 18:11
Seccion: politica
foto di Minister Ruiz-Maduro:  Reforma Fiscal ta importante pa progreso financiero y economico di nos Pais
Boogaard Assurantiën - P'abo Ta Bon Segura!
foto di Minister Ruiz-Maduro:  Reforma Fiscal ta importante pa progreso financiero y economico di nos Paisfoto di Minister Ruiz-Maduro:  Reforma Fiscal ta importante pa progreso financiero y economico di nos Paisfoto di Minister Ruiz-Maduro:  Reforma Fiscal ta importante pa progreso financiero y economico di nos Pais
Megavit - Lejuez Brothers International

Minister Ruiz-Maduro:

Reforma Fiscal ta importante pa progreso financiero y economico di nos Pais

Hunto nos por yega na un Reforma Fiscal simpel y husto.

ORANJESTAD – Minister Ruiz-Maduro ta contento di e interes cu tabatin pa e reunion tocante Reforma Fiscal cu diferente gremio den nos comunidad.

Siman pasa profesionalnan di Departamento di Impuesto y Aduana a comparti e proposicionnan di e di dos fase di Reforma Fiscal cu algun gremio.

E encuentro tabata uno historico ya cu ta pa prome biaha cu Gobierno a organisa un reunion cu e gremionan pa asina nan por haya e oportunidad pa trece nan opinion y sugerencia prome cu decision ser tuma.

Minister Ruiz-Maduro a splica cu Reforma Fiscal no ta algo cu ta haci pa un gobierno of pa un sector, pero ta algo cu Gobierno ta haci pa progreso financiero y economico di nos Pais Aruba. E mandatario a subraya cu nos Pais Aruba tin su retonan financiero economico y cu mester tin curashi pa tuma decision. Kisas no decisionnan popular pero cu ta necesario na bienestar di nos Pais. E dignatario ta convenci cu hunto nos ta yega na solucionnan factibel y decisionnan practico pa nos Pais Aruba.

E reunion cu e gremionnan tabata fructifero durante cual Gobierno a ricibi varios sugerencia y lo evalua esakinan pa yega na un Reforma Fiscal simpel y husto na beneficio di nos Pais. E cambionan fiscal lo mester drenta na vigor dia 1 di januari 2020.

Gobierno lo brinda e informacion na nos comunidad asina e trabounan di e di dos fase di e Reforma Fiscal ser concretisa.

Minister Ruiz-Maduro a gradici tur e gremionan pa nan contribucion y tambe a yama danki na e expertonan di Departamento di Impuesto, Aduana y Departamento di Legislacion pa nan tremendo cooperacion.

mas foto di Minister Ruiz-Maduro:  Reforma Fiscal ta importante pa progreso financiero y economico di nos Paismas foto di Minister Ruiz-Maduro:  Reforma Fiscal ta importante pa progreso financiero y economico di nos Pais
You Call, We Haul
ORGINAL SWAT