NO MAS dropouts Un kampaña di CBOS. (Willemstad-Curacao)

103 dia pasa , 9 di januari 2017 15:58
Seccion: international
foto di NO MAS dropouts Un kampaña di CBOS. (Willemstad-Curacao)
Boogaard Assurantiën - P'abo Ta Bon Segura!
Megavit - Lejuez Brothers International


WILLEMSTAD – Den kuadro di nan promé aniversario, Caribbean Back Office Services (CBOS) ta bai hasi tres studiante kontentu ku un kontrol di tésis grátis durante nan kampaña NO MAS DROPOUTS.
A sobra algun luna mas pa nos yega na final di un tremendo aña eskolar. Pronto un otro grupo di studiante ta finalisá un kapítulo importante den nan bida na momentu ku nan risibí nan diploma den man. Ta mas ku klaro ku esaki ta soño di tur esnan ku aktualmente ta den nan último aña di estudio. Nos ta konsiente ku skibi un tésis no ta mesun fásil pa tur studiante. Afortunadamente, CBOS ta hopi bon konosí bou di studiantenan danki na su servisio pa revisá tésis kaminda ta tene kuenta ku entre otro uzo di idioma i tambe originalidat di kontenido. Nos ta hopi satisfecho di por asistí tur individuo ku ta serka di gradua ku nan tésis. Nos ta aun mas kontentu pa tur nos klientenan ku a logra aña pasa i a sa di gradua ku honor.
Siman pasa nos a kumpli un aña den servisio despues di lunanan di trabou duru, dedikashon, i satisfakshon tras di lomba. Esaki sigur ta un logro ku ta meresé un gran selebrashon. No tin un mihó forma pa selebrá nos promé aniversario ku kontribuí ku desaroyo di ENSEÑANSA di nos komunidat. Pa e okashon spesial aki CBOS ta bai malkriá tres studiante ku kontrol di nan tésis grátis. Promé ku nan entrega esaki na skol nos ta soru pa nan tésis su kontenido ta den konteksto, sin eror, i ku bon formulashon di frase.
Durante e kampaña di tres luna aki nos ta bai selektá un ganadó pa e lunanan di yanüari, febrüari, i mart. Pues na tur ta bai tin tres diferente ganadó. Kada luna partisipantenan tin e oportunidat di forma parti di algun aktividat ku chèns di bira e felis ganadó di NO MAS Dropouts. Kualke un miembro di famia i/òf amigu/a tambe por partisipá. Dado kaso resultá ku e ganadó no ta un studiante e persona ku a gana por regalá esaki na un persona ku si ta bai gradua e aña eskolar aki.
Pa mas detaye tokante e kampaña bishitá nos página di Facebook òf www.cbos-curacao.com/campaigns.

Yama Mr. Bucket!
ORGINAL SWAT