Na Cura Cabay un brommer a dal riba un peaton, e peaton ta seriamente herida.

Diabierna mainta tempran a drenta informe di un accidente basta serio cu 2 hende herida riba e caminda principal na e cruzada pabao di JR Autocenter na Cura Cabay, mesora a dirigi tanto polis como tambe ambulans na e sitio. Na yegada di e patruya a bin compronde cu aki ta trata di un accidente unda cu un motociclista a bay dal riba un peaton. Polis mirando e peaton a nota cu e no ta reacciona y a pidi ambulans cu maximo urgencia. Na yegada di e ambulns mesora a cuminza cu CPR pero apesar di tur e esfuerzo e victima no tabata reacciona y pa 7or dr De Cuba a constata morto di e victima masculino Luis Alberto Perez Cortes naci na Peru 18 februari 1953 y tabata biba na Savaneta. Na famianan di e fayecido nos ta manda nos mas sincero palabranan di condolencia.