Studiante di polis cu e meta pa proteha nos medio ambiente Accion contra contaminacion di nos suela

133 dia pasa , 12 di juni 2018 15:47
Seccion: incidente
foto di Studiante di polis cu e meta pa proteha nos medio ambiente Accion contra contaminacion di nos suela
Boogaard Assurantiën - P'abo Ta Bon Segura!
foto di Studiante di polis cu e meta pa proteha nos medio ambiente Accion contra contaminacion di nos suelafoto di Studiante di polis cu e meta pa proteha nos medio ambiente Accion contra contaminacion di nos suelafoto di Studiante di polis cu e meta pa proteha nos medio ambiente Accion contra contaminacion di nos suela
Smart Systems Aruba - Bishita nos page pa mas informacion



ORANJESTAD, ARUBA: Den cuadro di un proyecto pa cu medio ambiente un grupo di studiante di districto 4 Santa Cruz di Cuerpo Policial di Aruba a escoge pa bin cu un accion pa cu e problematica di contaminacion di nos suela (bodemvervuiling) a causa di “metalnan pisa” (zwaremetalen).
E grupo di studiante aki di Cuerpo Policial di Aruba kier conscientisa y alerta comunidad henter riba e efectonan negativo cu metalnan pisa tin pa cu nos medio ambiente, ecosystema y salud.
Lamentablemente e grupo di studiante a constata cu un tereno na Kibaima, cu ta cai den e area berde di Land Aruba a wordo rosa y uza pa deposita hero bieu manera entre otro motornan bieu di auto cual ainda ta lek zeta y asina contaminando nos suela y medio ambiente. Di biaha e grupo di studiante aki a mobilisa y tuma e pasonan necesario pa asina cuminsa cu un accion pa recoge tur e hero bieunan aki y ruim op e area berde menciona.
Mientrastanto den cooperacion cu e doño di e heronan aki a cuminsa na kita mas o menos un 12 ton di material for di e tereno. E grupo di studiante di Cuerpo Policial di Aruba a pidi cooperacion di DIP, Bureau City Inspector y di Directie Milieu pa hasi un inventario di e daño haci y pa wak con lo por caba di ruim op y/of sanea e tereno aki.
Cuerpo Policial Aruba ta hasi un peticion na comunidad pa tuma nan responsabilidad di yuda cuida nos medio ambiente y pa no tira nada cu ta contene metalnan pisa den mondi, damnan tampoco laganan tira den cura.
Artefactonan cu ta contene metalnan pisa ta entre otro baterianan (di auto), bleki verf y zeta di motor di auto articulonan cu ta contene entre otro koper, kwik, lood, cadnium y zink.
Na final di dia e accion aki a duna un resulatado positivo. E studiantenan a duna e doño di tereno 4 siman pa haci e tereno limpi y ela cumpli cu ne. Hunto nos por sigui proteha y cuida nos naturalesa

mas foto di Studiante di polis cu e meta pa proteha nos medio ambiente Accion contra contaminacion di nos suela
ORGINAL SWAT
Cumpra bo Lotto Online - Click to Play Now
ORGINAL SWAT