Diamars 9 di oktober lo bai tin un simposio tocante Postura “ Let’s sit the right way”

65 dia pasa , 11 di september 2018 16:26
Seccion: salud
foto di Diamars 9 di oktober lo bai tin un simposio tocante Postura “ Let’s sit the right way”
Boogaard Assurantiën - P'abo Ta Bon Segura!
Smart Systems Aruba - Bishita nos page pa mas informacion

Fundacion Movemento ta Bida (FMTB) diamars dia 9 di oktober lo bai organisa un simposio tocante Postura “ Let’s sit the right way”
Esaki lo tuma luga den Renaissance Convention Center, cual evento ta cuminza 8.00 ‘or di mainta y ta termina 2.00’or di atardi.
Lo tin diferente oradornan cu lo trese den nan charla informacion tocante e tema di e simposio.
Professor Dr. Erik Peper, conoci di e CAAC 2017 (Congreso di Active Aging) lo trese su informacion interesante di su estudio y investigacion cu el a haci na Universidad di San Francisco (USA), Su estudio tabata basa ariba personan cu pa oranan largo ta sinta y para, y cu tin varios keho y dolor di schouder, nek, lomba y cabez. Pa juda pa evita esakinan, nos ta bai introduci un aparato nobo y unico pa Aruba, ‘Upright Go’, cu lo yuda pa drecha bo postura.

Den e maneho cu companianan y organisacionan ta hiba pa combati ausencia pa motibo di e kehonan menciona,tur partisipante lo ricibi informacion valioso cu ta trata e salud y bienastar di tur hende y a lo largo lo baha e “ziektemeldingnan” . Abo tambe cu ta partisipa lo haña sa con pa evita tur e dolornan aki. Den cuadro pa promove e expertisio di e participantenan na e congreso, nos tin otro oradornan pa duna informacion interesante y adecuado. E oradornan aki ta: Dr. Jaime Falconi, Neurologo, Dr. Renato van Putten, Chiropracter, Jerome van der Spil, Fysioterapista y Nanelle Croes, Ergotherapista. Cuponan ta limita asina ta cu esnan cu inscribe na ora lo partisipa. FMTB semper ta pro-activo e semper kier promove salud di nos hendenan y awor atrobe nos lo duna pueblo di Aruba e opportunidad pa haña sa mas con nos mester combati tur e dolornan cu ta molestia nos na trabou , cas etc… E expertonan menciona lo tuma nan tempo pa splika te den detailles con mester sinta , para durante trabou. No solamente adultonan tin e problema ei pero ja ta conoci cu for di tempran ora cu un mucha bai skol su manera di sinta den banki den klas ta influencia su wesonan di lomba y tambe su manera di studia. Docentenan lo por haña informacion importante y pasa esakinan pa e studiantenan.
FMTB ta contento cu a haña sosten di AZV, SVB, CEDE Aruba y Gobierno di Aruba.

Nos ta invitaun I tur cordialmente pa participa na e congreso aki. Por pasa inscribi na balie di IBISA durante ora di trabou. E ticket pa entrada ta $ 100,00 pa persona, den cual ta inclui desayuno, lunch y e aparato ‘Upright Go’.

Wendy's - Southwest Avocado
ORGINAL SWAT