Shoplifter atrapa ta purba sali cu mercancia sin paga, awor tin camara TUR caminda y hasta scondi

Diasabra merdia a drenta informe di cu tin un dama ta hortando comestibles pa purba sali sin paga pa nan na New Food Center, mesora a dirigi un patruya na e sitio. Na yegada di e patruya a bin compronde cu e camaranan di seguridad a logra capta e dama cu tabata purba pa sali cu e comestiblesnan. Polis a wak e evidencia y a haya un copia di e video y a detene e dama. Cos por ta preta berdad pero hortando bo no ta yega leu!

Update:
Diasabra merdia a gara un muher ta horta den New Food Center na San Nicolas. For di ora cu ela drenta a cuminsa vigil’e. A move su tras y atrobe a confirma cu e ta bin pa horta. E tin un auto luhoso pafo y ta horta paden. Polis a yega y nan a atende cune. A haya varios cos horta den su poder. A haya entre otro Bleki Pinda, Mansa, Coffee y mas cos. A kita for di dje tur loke el a coy. E ta bay cu paña hancho etc y hinca e cosnan den su paña. Algun dia pasa el a horta deodorante y otro cosnan mas. Dialuna el a horta hasta fruta. Biaha pasa hasta a mira grabacion di ladronicia cu el a comete. E biaha aki chines a kita tur cos for di dje y yama Polis. Segun e ta cana cu macuto, e ta sconde e cosnan den su paña. Kizas hende no a mire, pero Camera di seguridad si. Polis a bin y detene e muhe bay cune warda. Un keho ta ser entrega. E auto luhoso a keda para pafo dilanti supermercado den parkinglot.